مــسرعه ام الــبنـين اتــعنـته .. تــنــشده بصوت الــهظيمه ونــادته
ما اشوف حسين ، كـَلي حالته .. ما اشوفه ، كـَلي جا وين الحبيب ؟
كـَلها بـشـر يعظم الله الأجـر .. جـفــوف ابو فاضــل تــكـَطعن بالبــتــر
طاحت إيساره ويمينه بالكتر .. مدمي راسه ومن دمه راسه خضيب
قالت اولادي فده لبن الطهر .. بس دكـَلي شصار وانطيني الخبر
وين ابو الاكبر يحمال الخبر .. ما اشوفه حاظر اوياهم عجيب !
صاح ابن بشر وبجت حتى السمه .. شــخبرج يــم البنيـن الهايمه
أخبرج جـثـه أبـفـيـافي نايمه ؟ .. لو أكـَلج جسم أبو الأكبر سليب ؟
شخبرج يم البنين ابهل حروف .. أخبرج نحره اتشابج بالسيوف ؟
لو أكـَلج سحكـَت ابصدره الألوف .. منظره بعد الذبح منظر عجيب !
×××
صاحتْ لهَ أُمُ البَنينِ وقَد غَدَتْ .. حَسْراءَ تَخْدِشُ خَدَها بِحَنينِ
يا ليْتَني قُطِعْتُ بالسيْفِ ولا .. أُذُني تَراءتْ لها قَتْلَ حُسينِ
_______________________
* القصيدة الأولى عراقية على وزن موشح ، وتُسمى بـ وزن ( عبود غفله ) وهو شاعر
عراقي كان مميزاً جداً بهذا الوزن .
*البيتين الأخيرين فصحى
